Është shënuar sot Dita e Çlirimit të Komunës së Deçanit, me këtë rast janë organizuar aktivitete të ndryshme nga komuna dhe shoqatat e dala nga lufta, raporton InLajmi.
Manifestimi ka nisur në Kuvendin Komunal me një seancë solemne e cila filloi më një minutë heshtjë në nderë të dëshmorëve të kësaj komune. Më pas, u vazhdua më fjalën e kryetarit të Komunës, Bashkim Ramosaj.
Ramosaj e cilësoi 16 Qershorin si datë historike për qytetin duke kujtuar dhe nderuar veprën e ish-luftëtarëve të UÇK-së. Ai poashtu kujtoi edhe ish-presidentin Hashim Thaçi dhe ish-nënkryetarin e OVL të UÇK-së, Nasim Haradinaj, duke thënë se të gjithë këta po i mungojnë vendit.
“E kemi obligim që të kemi një dedikim të caktuar për këtë ditë, dhe për këta dëshmorë, duke kujtuar edhe demonstratat përmes një ekspozitë të quajtur ‘Vullkani i Republikës’, është mburrja jonë e krenaria jonë në historinë tonë 16 qershori sepse buron nga një aktivitet sublim ku kanë dhënë jetën për këtë vend, e që sot breza e breza ta jetojnë sot”.
“Dedikimi shkon për Hashim Thaçin, Nasim Haradinaj dhe për shumë heronjtë të tjerë që kanë qenë luftëtarë të këtij vendi. Nderim për të gjithë ata që kanë sakrifikuar për këtë shtet”, përfundoi kryetari Ramosaj.
Aktivitetet për Ditën e Çlirimit, do të mbyllen në orën 19:00 me një koncert./InLajmi/
