Deputetja e VV-së, Fatmire Mulhaxha-Kollçaku, ka vizituar Qendrën e Vaksinimit në sallën “1 Tetori”, raporton InLajmi.
Mulhaxha-Kollçaku u shpreh se është ndarë e kënaqur me procesin në këtë qendër. Ajo tha se ka biseduar edhe me qytetarët që po vaksinoheshin dhe të gjithë janë të kënaqur me procesin e vaksinimit.
“Ishte kjo një vizitë për monitorimin e zbatimit të ligjit anti-Covid, por gjithashtu ne donim të informoheshim më për së afërmi tani pasi ka filluar edhe vaksinimi masiv i popullatës. Ajo çfarë pamë është vërtet të konstatojmë që çdo gjë po shkon në rregull. Ne biseduam edhe me qytetarë që i janë drejtuar qendrës për të marrë qoftë dozën e parë apo të dytë, të gjithë ishin të kënaqur edhe me ekipet dhe me punën që po zhvillohet”.
“U interesuam edhe për reaksionet pas vaksinimit. Kemi kuptuar që veç disa reaksioneve të lehta nuk ka pasur komplikime që duhet të evidentohen si një problem dhe neve na vjen mirë për atë çfarë pamë sot. Biseduam me Niman Bardhin për disa detaje që na interesuan dhe morëm përgjigje”, ka deklaruar deputetja.
Kujtojmë se vaksinimi masiv kundër koronavirusit në vendin tonë filloi më 15 Qershor./InLajmi/
