Koordinatori i Qendrës së Vaksinimit në sallën “1 Tetori”, në Prishtinë ka thënë se sa i përketë procesit të vaksinimit është duke shkuar mirë, raporton InLajmi.
Bardhi ka bërë apel tek qytetarët që të aplikojnë sa më shumë për t’u vaksinuar.
“Ishte një nderë për gjithë ekipin menaxhues këtu që janë në sallën 1 tetori në planin për vaksinimin dhe zbatimin e tij. Siç u potencua gjendja faktike është çdo gjë në vijën e duhur. Procesi i vaksinimit është duke vazhduar me qytetarët që kanë aplikuar në platformën E-Kosova”.
“Bëjë apel që të gjithë qytetarët të aplikojnë dhe të vaksinohen. Shpresojmë që një proces i tillë të mos na stagnojë dhe me përkrahjen dhe mbështetjen që kemi nga të gjithë besoj që do ia dalim më së miri në procesin e vaksinimit të këtij vaksinimi në masë”.
Bardhi gjithashtu ka bërë të ditur se janë duke vaksinuar katëgorinë e personave mbi moshën 65 vjeçare dhe se kanë arritur që të vaksinojnë personat me smundje kronike.
“Jemi me kategorinë 65 e mbi, kemi vaksinim të sëmurëve kronik pa dallim moshe dhe forcën e sigurisë së Kosovës e Policinë e Kosovës, me prioritet në radhë të parë listat e ardhura nga këto dy institucione”.
Ndër të tjera Bardhi ka bërë të ditur se në nivel vendi janë vaksinuar 110 mijë persona.
“Në nivel vendi nga fillimi deri më tani janë vaksinuar 110 mijë persona kurse vetëm sot janë vaksinuar mbi 400 persona, që nivel vendi i bie që kemi mbi 4000 të vaksinuar. Procesi po shkon në të gjitha qendrat e vaksinimit shumë mirë”. /InLajmi/
