14 Qershori në Rahovec, shënon Ditën e Çlirimit, kjo ditë do të manifestohet me aktivitete të ndryshme të përcjellura nga kryetari i komunës Smajl Latifi në bashkëpunim me shoqatat e dala nga lufta e UÇK-së, shkruan InLajmi.
Aktivitetet do të fillojnë me pritjen e qytetarëve nga ana e kryetarit në objektin e Komunës, në orën 08:00, ndërsa do të vazhdojnë me homazhe dhe nderime pranë lapidarëve, varrezave të heronjve dhe dëshmorëve të kombit në Rahovec, Drenoc, Ratkoc dhe Krushë të Madhe.
Kuvendi Komunal do të mbajë një seancë solemne, ndërsa në orën 14:00 do të bëhet zbulimi i shtatoreve të dëshmorëve të kombit Bedrush Gashi dhe Feim Gashi në Drenoc.
14 Qershori në Rahovec shënon 22 vjetorin e hyrjes së brigadës 124 të UÇK-së në vend./InLajmi/
