Oda e Afarizmit të Kosovës në një njoftim është shprehur se masat duhet të hiqen për shkak të numrit të vogël të rasteve, përcjell InLajmi.
OAK gjithashtu thotë se gjendje e bizneseve është e rëndë dhe kërkon nga institucionet e vendit të hiqen masat kufizuese, për shkak të rimëkëmbjes ekonomike në vend.
Sipas Oda e Afarizmit të Kosovës kjo kërkesë është bërë për shkak të gjendjen shumë të vështirë të sektorit privat si pasojë e pandemisë.
Postimi i plotë nga OAK-së:
Oda e Afarizmit të Kosovës (OAK) duke u bazuar në numrin e vogël të rasteve të lajmëruara me Covid-19 si dhe duke vlerësuar gjendjen e rëndë të bizneseve kërkon nga Institucionet e vendit që të gjitha masat kufizuese të cilat janë në fuqi aktualisht të largohen me qëllim të rimëkëmbjes së ekonomisë së vendit.
Kjo kërkesë e OAK-së vie si rrjedhojë e gjendjes shumë të vështirë me të cilën po përballet sektori privat si pasojë e pandemisë dhe përkrahjes së mangët që është ofruar deri më tani nga ana e institucioneve, duke rrezikuar kështu jo vetëm humbjen e vendeve të punës por edhe mirëqenien dhe operimin e mëtejshëm të operatorëve ekonomik. /InLajmi/
