Kryekuvendari Glauk Konjufca në një konferencë pwr media ka thwnw se deri më tani në dialogun Kosovë-Serbi është folur vetëm për tema të brendshme të Kosovës, por kjo qasje sipas tij do të marr fund sepse tani në krye të dialogut do të jetë kryeministri Albin Kurti, raporton InLajmi.
Konjufca u shpreh se është shumë i bindur se në takimet në Bruksel,Kryeministri Kurti do ta përfaqesoj dinjitetshëm vendin dhe ata që ka ndodhur me 14 shkurt.
“Neve na duhet një përfaqësim i ri politik, që vjen mas ndryshimit të rezultatit zgjedhor, i cili i jep një garanci shoqërisë tonë që gjëra të tilla nuk do të ndodhin.Jam fort i bindur që kryeministri Kurti në ditën e nesërme, në takimet që i ka atje, do ta përfaqësojnë dinjitetshëm pikërisht atë që ka ndodhur me 14 shkurt, me 14 shkurt, qytetarët i kanë thënë stop shumë gjërave, por njëra ndër gjërat e rëndësishme është edhe dialogun me Serbinë” ka thënë ai.
Ai është shprehur se Kurti do ta përfaqësojë opsionin e një dialogu ku Kosova e kërkon ata që është substanciale,që Kosova të jetë shtet i pranuar nga Serbia dhe që Aleksandër Vuçiq ta pranoj realitetin e ri në Kosovë.
“E në këtë jam fort optimist që Kurti do ta përfaqësojë opsionin e një dialogu ku Kosova e kërkon atë që është substanciale, atë që është me Serbinë, që Kosova të jetë shtet i njohur dhe pranuar nga Serbia që Aleksandër Vuçiq ta pranoj realitetin e ri në Kosovës, njëri është prej 1999 dhe tjetri është prej 14 shkurtit”
Kosova qeveriset pre një opsioni politik që nuk bën kompromise. /InLajmi/
