Shumë qytetarë të Kosovës e disa pjesëtarë të Policisë së Kosovës dhuruan gjak në Ditën botërore të dhurimit të gjakut në sheshin “Nënë Tereza” në Prishtinë, raporton InLajmi.
Bukurije Zhubi e cila është drejtoreshë e Qendrës për Transfuzionin e gjakut, falendëroi të gjithë ata që dhuruan gjak dhe shpëtuan jetë.
“Kjo ditë ka për qëllim të rrisë vetëdijesimin e gjithë qytetareve në lidhje me dhurimin e gjakut. Për hir të kësaj ditë qendra për transfuzion të gjakut ka organizuar aksione të dhurimit të gjakut e cila starton prej sot deri të dielën. Interesimi i qytetarëve është present”, tha Zubi.
Zhubi tha që kanë startuar nga mengjesi dhe kanë marrë pjesë edhe Ministri i Shëndetësisë, kurse të pranishëm kanë qenë edhe FSK-ja dhe Njësia Speciale e Kosovës.
Nga Njësia Speciale Operative e Policisë, Saim Januzi tha se 25 pjesëtarë të kësaj njësie kanë dhuruar gjakë dhe kjo është bërë një traditë nga ana e jonë.
“Dy herë në vit jemi pjesëtarë të Policisë që japim gjak. Dhuro gjak shpëto jetë kjo është porosia që e përcjellim te të gjitha”.
Mërgim Hajrizi që është dhurues i gjakut i rregullt, tha që kohëve të fundit kemi parë shumë raste të aksidenteve në trafik dhe ka shumë njerëz që kanë nevojë për gjak.
Në shumë vende të botës 14 Qershori njihet si “Dita Botërore e Dhurimit të Gjakut”.
Për këtë vit slogan ishtë “Jepni gjak dhe mbajeni botën duke rrahur”.
Dita Botërore e dhuruesit të gjakut është ditë që u kushtohet dhuruesve të gjakut për hir të sakrificës që ata bëjnë si dhe rritjes së ndërgjegjies për të pasur sa më tepër dhurues vullnetarë të gjakut. Kjo ditë mbahet çdo 14 qershor të çdo viti duke filluar nga viti 2004. /InLajmi/
