Koordinatori i Qendrës së Vaksinimit në Prishtinë, Niman Bardhi gjatë konferencës së mbajtur për medie në sallën “1 Tetori” tregoi se gjatë të hënës në nivel vendi janë vaksinuar 1.680 persona, raporton InLajmi.
Bardhi shtoi se vetëm në sallën “1 Tetori” prej mengjesit deri më tani kemi të vaksinuar 287, ndërsa në nivel vendi nga dita e parë janë vaksinuar 101.100.
“Në sallën ‘1 Tetori’, ku deri më tani kemi të vaksinuar 287 ndërsa në nivel vendi kemi rreth 1 680 persona. Nëse i referohemi totalit në nivel vendi nga dita e parë janë 101 mijë e 100 vaksinime të realizuara në Kosovë. Kjo është gjendja aktuale sa i përket vaksinimit në vendin tonë”, tha Bardhi.
Bardhi tha që e drejta e qytetarit është për të aplikuar për vaksinë, ndërsa çështja e zbatimit të vaksinimit varet nga komiteti për imunizim të popullatës.
“Lidhur me kategorizimin e tyre vendos komuniteti për imunizim të popullatës e drejta e qytetarit është se duhet aplikuar ndërsa çështja e zbatimit të vaksinimit varet nga komiteti për imunizim të popullatës. Salla 1 tetori me 15 dhoma dhe 30 ekipe është në gatishmëri për vaksinim”, deklaroi ai. /InLajmi/
