Kuvendi i Kosovës ka miratuar Projektligjin për përgjegjësit disiplinore të gjyqtarëve dhe prokurorëve, me 73 vota e mbështetur nga opozita, raporton InLajmi.
Ministrja e Drejtësisë Albulena Haxhiu, kërkoi miratimin e këtij projektligjit duke u shprehur se është i rëndësisë së madhe.
“Njëra nga bazat e llogaridhënies është çështja e përgjegjësia disiplinore e gjyqtarëve dhe promurorëve. Ligji aktual ka qenë i shoqëruar me një lëshim dhe në praktikë ka pasur gabime të mëdha dhe ka qenë e pamundur të bëhet suspendimi ndaj gjyqtarëve dhe prokurorëve”.
Haxhiu tha se nesër përfundon drafti i parë i konceptit dokumentin për vettingun.
“Reforma më e madhe në sistemin e drejtësisë do të jetë vettingu, është një reformë e rëndësishme që bashkërisht duhet të flasim dhe mbështesim dhe nesër finalizohet drafti i parë i konceptit dokumentin për sistemin e vettingut”.
Adnan Rrustemi nga radhët e LVV-së tha se më këtë projektligj rritet llogaridhënia.
“Ky projektligj ka për qëllim evitimin e problemeve lidhur me suspendimin e gjyqtarëve dhe prokurorëve”.
Abelard Tahiri shef i Grupit Parlamentar, tha se sa ishte ministër e kishe propozuar këtë projektligj por që në atë kohë nuk ishte përkrahur.
“Sot kur po vjen koha me bë ndryshime, ndryshime të mëdha që tregojnë se ka filluar me u implimentuar mirë. Çështja e përgjegjësive disiplinore ka çaluar për një kohë të gjatë në Kosovë. Në kohën kur e kam propozuar unë VV-ja nuk i ka përkrah dhe sot po me vjen mirë”.
Driton Selmanaj nga LDK-ja është shprehur se do mbështesin këtë Ligj.
“Në parim i jep përkrahjen LDK-ja dhe është projektligji i 2-të që sponsorohet nga Ministria e Drejtësisë por kjo praktikë e ndryshimeve të ligjeve me një fjali”./InLajmi/
