Është mbajtur takimi i Komisionit të Përgjitshëm për Ekonomi, Infrastrukturë dhe Energji i Asamblesë Parlamentare të Procesit të Bashkëpunimit të Evropës Juglindore, përcjell InLajmi.
Për mbajtjen e këtij takimi është bërë e ditur nga Jeta Statovci, deputete në Kuvendin e Kosovës, si dhe kryesuese e Komisionit të Përgjithshëm për Ekonomi, Infrastrukturë dhe Energji të AP të SEECP-së.
Statovci ka bërë të ditur se ky takim është mbajtur në mënyrë virtuale si dhe temë diskutimi ka qenë “Sfidat ekonomike dhe mundësitë në vendet e EJL-së pas Covid-19”.
Ajo gjithashtu ka treguar se gjatë takimit ka theksuar rëndësinë e kësaj teme duke potecuar se SEECP-ja është platfomë e ndërtuar mbi shtyllat e bashkëpunimit për stabilitet dhe prosperitet të qëndrueshëm në rajon.
Postimi i plotë i saj:
Sot kam kryesuar takimin e Komisionit të Përgjithshëm për Ekonomi, Infrastrukturë dhe Energji i Asamblesë Parlamentare të Procesit të Bashkëpunimit të Evropës Juglindore (SEECP), me temën “Sfidat ekonomike dhe mundësitë në vendet e EJL-së pas COVID-19”.
Aty theksova mbi rëndësinë e kësaj teme, duke potencuar se SEECP është platformë e ndërtuar mbi shtyllat e bashkëpunimit për stabilitet dhe prosperitet të qëndrueshëm në rajon. Pas përballjes me pandeminë COVID-19, ne duhet të fillojmë duke trajtuar shqetësimet tona të përbashkëta dhe duke adresuar ndikimet shumëdimensionale të COVID-19.
Përveç Kosovës, në këtë takim kanë marrë pjesë edhe delagacionet nga: Turqia, Sllovenia, Bosnja dhe Hercegovina, Maqedonia e Veriut, Mali i Zi, Shqipëria dhe Kroacia. /InLajmi/
