Udhëheqësit e vendeve të G7-së do të angazhohen për të përdorur të gjitha burimet e tyre në përpjekje për të rregulluar situatën e shkaktuar nga pandemia e koronavirusit, transmeton InLajmi.
Në ditën e 2-të, të samitit që po mbahet në Cornwall, vendet pjesëmarrëse do të lëshojnë një deklaratë me një sërë masash që synojnë ta arrijnë këtë.
Samiti i G7-së, u hap të premten nga Kryeministri i Britanisë Boris Johnson me lutjen që të trajtohet pabarazia globale.
Sipas BBC-së, Johnson, i cili është pritës i mbledhjes 3-ditore në vendpushimin bregdetar, në gjirin Carbis, tha se është jetike të mësohet nga “gabimet” e krizës financiare të 2008 dhe të trajtohet pabarazia në botë.
Pas diskutimeve të së premtes, udhëheqësit e G7-së, u pritën në një darkë edhe nga Mbretërersha e vendit, Elizabeth II./InLajmi/
