Xhevdet Shabani është zyrtarizuar te klubi i Superligës së Kosovës, FC Prishtina, përcjell InLajmi.
Këtë e ka bërë me dije përmes rrjeteve sociale, FC Prishtina.
Shabani njëherë ka qenë futbollist i vitit në Kosovë, 3 tituj kampion, 2 herë fitues i kupës dhe një herë i Superkupës . Por, përveç kësaj ai ka realizuar 7 gola në zezonin e sapo përfunduar.
Postimi i plotë i FC Prishtina:
Pas shumë përpjekjeve, tani u caktua fati të jem në Prishtinë
Njëherë futbollisti i vitit në Kosovë, tre tituj kampioni, 2 herë fitues i kupës dhe 1 herë i Superkupës. 7 gola të realizuar në sezonin e sapo përfunduar.
Ju prezantojmë mesfushorin e djathtë i cili për shumë vite pothuajse ishte i pakonkurencë.
Xhevdet Shabani “Rrapa”, i lindur më 10.10.1986 në Kaçanik, edhe pse shumë herë më parë kishte oferta, përfundimisht vendosi të vinte në klubin më të madh në vend, FC Prishtina.
Me Lepencin e Kaçanikut kishte shijuar Superligën e Kosovës, 6 muaj në Teutë të Durrësit, me Feronikelin për 6 muaj qëndrim ishte stolisur me titullin e kampionit dhe kupën e Kosovës, me Besën kishte fituar Kupën e Kosovës dhe me Dritën 2 tituj kampioni e 1 superkupë.
Erdhi momenti që edhe unë të jem pjesë e Prishtinës, me gjithë shumë bisedave që kishin në të kaluarën. Pas bisedave me Dritën dhe dëshirës së tyre për rifreskim skuadre, më nuk kisha dilema, ftesa e parë që erdhi nga kryeqyteti i ndjeva se tani më ishte përcaktuar fati
Ndjehem shumë i motivuar që jam pjesë e skuadrës, do të bëjë përpjekje maksimale për të ndihmuar bashkëlojtarët për të arritur objektivat e klubit. Do të bëjë të pamundurën që skuadra të përsëris sërish suksesin e titullit të kampionatit” .
/InLajmi/
