Kryeministri i Shqipërisë Edi Rama, me rastin e 30 vjetorit të themelimit të PS-së, ka uruar të gjithë qytetarët që kanë kontribuuar dhe vazhdojnë të kontribuojnë për partinë, shkruan InLajmi.
“Mirëmëngjes dhe me urimin gëzuar ditëlindjen e Partisë Socialiste për të gjithë ata që kanë dhënë e i japin PS diçka sado të vogël, si edhe me zotimin se do të vazhdojmë përpjekjen që PS të bëhet më e mirë për të gjithë të tjerët, ju uroj një fundjavë të qetë,” ka shkruar Rama në Facebook.
Në këtë manifestim, është parashikuar të mbahet Kongresi i Partisë Socialiste, i cili do të fillojë në orën 17:30 në stadiumin “Air Albania”. Ky kongres do ti kushtohet rrugëtimit të partisë që nga fillimet e saj e deri në zgjedhjet e fundit ku doli fituese.
Kujtojmë se fitorja e zgjedhjeve të 25 Prillit nga socialistët, solli për herë të parë në vend një forcë politike që mori radhazi 3 mandate qeverisëse./InLajmi/
