Është mbyllur pas 2 orësh protesta e maturantëve në Tiranë, të cilët kërkuan që të rishikohej shpërndarja e pikëve për testin e matematikës, pasi sipas tyre, ishte i vështirë.
Maturantët kanë paralajmëruar se do të protestojnë përsëri nesër, derisa të rishikohet shpërndarja e pikëve për këtë test. Më herët kërkesës së maturantëve, iu përgjigj ministja e Arsimit, Evis Kushi nëpërmjet një postimi në rrjetet sociale.
Kushi tha se ekpsetët po vlerësojnë shkallën e vështirësisë së testit dhe nëse arrihet në konkluzionin se shkalla e vështirësisë është më e lartë se modulet që kanë marrë maturantët, do të bëhet dhe rishikimi i shpërndarjes së pikëve.
Protesta të maturantëve u regjistruan edhe në Korçë e Durrës, ndërsa në Tiranë ata bllokuan rrugën e “Durrësit”, përcjell ExitNews.
Përfaqësuesja e QSHA deklaroi për mediat se testi nuk kishte asnjë pyetje jashtë programit. Ndërsa ministrja e Arsimit Evis Kushi ka kërkuar rishikim dhe në rast se testi rezulton mbi nivelin e parashikuar do të ketë një rishikim të vlerësimit.
