Ambalzhet plastike dhe qeset nga ushqimet e gatshme po mbushin lumenjtë dhe oqeanet e tokës, thuhet në një studim të ri, transmeton InLajmi.
Shkencëtarët deri tani kanë regjistruar më shumë se 12 milionë lloje mbeturinash, të gjetura përreth lumenjve, oqeaneve dhe vijave të bregdeteve.
Nga mbeturinat e recikluara, doli se 8 nga 10 artikuj ishin produkte plastike, ku 44% e tyre ambalazhe të ushqimeve dhe pijeve të gatshme.
Udhëheqësi i studimit Dr.Morales nga Universiteti i Cadiz në Spanjë e cilësoi si tronditëse këtë gjendje.
“Ishte tronditëse të zbuloje se qeset, shishet dhe ambalazhet e ushqimit përbënin gjysmën e mbetjeve në shkallë globale, dhe të gjitha këto janë krijim i njeriut,” tha Morales për BBC-në.
Studiuesit thanë se deri tani masat për të ulur ndotjen plastike janë përqendruar në zëvëndësimin e mundshëm të disa produkteve plastike me materiale natyrale, por gjithashtu bënë thirrje për kujdes të shtuar në trajtimin e plastikës duke vetëdijësuar për ndikimin e këtij materiali në natyrë./InLajmi/
