Shefi humanitar i Kombeve të Bashkura Mark Lowcock ka thënë se ka zi buke në Etiopinë veriore, pas një analize të bërë për situatën, transmeton InLajmi.
“Tani ka zi buke,” tha ai, duke shtuar se “Kjo do të përkeqësohet shumë”.
Nga studimi i bërë u zbulua se 350.000 njerëz po jetojnë në një krizë të rëndë ushqimi, në rajonin Tigray.
Ky rajon është shkatërruar nga luftimet midis forcave qeveritare dhe rebelëve, dhe ka afro 1.7 milionë njerëz të zhvendosur që nga fillimi i luftimeve në Nëntor 2020, shkruan agjencia e lajmeve BBC.
Sipas vlerësimit, situata e ushqimit në rajon ka arritur në nivelin e një “katastrofe”, prandaj nga Programi Botëror i Ushqimit, Organizata e Ushqimit dhe Bujqësisë si dhe nga agjencia e fëmijëve Unicef është bërë thirrje për ndërhyrje urgjente në këtë krizë./InLajmi/
