Është përuruar dhoma për të mitur dhe dhunë familjare në objektin e Stacionit Policor në Skenderaj, përcjell InLajmi.
Këtë dhomë ndryshe e quajtën si “dhoma miqësore e cila ofron përkrahje logjistike me inventar dhe pajisje të nevojshme për trajtimin e të miturve dhe viktimave të dhunës në familje.
Këtë e ka bërë të ditur faqja zyrtare e Policisë së Kosovës ku ka treguar që përurimi i kësaj dhome është në përkrahje dhe mbështetje të KFOR-it dhe MSU-Karabinier. Në këtë përurim morën pjesë drejtori rajonal kolonel Afërdita Mikullovci dhe zyrtarë nga Stacioni Policor në Skenderaj.
Postimi i plotë i tyre:
Në Stacionin Policor në Skenderaj përurohet dhoma e intervistimit për të mitur dhe dhunë në familje me standarde të larta policore
Mitrovicë, 11 qershor 2021
Në përpjekje të vazhdueshme për ngritjen e kapaciteteve dhe standardit në trajtim të rasteve me të mitur dhe rasteve të dhunës në familje Policia e Kosovës, përkatësisht Drejtoria Rajonale e Policisë në Mitrovicën e Jugut, në mbështetje dhe përkrahje të KFOR–it, konkretisht nga MSU – Karabinier, ditë më parë, në objektin e Stacionit Policor në Skenderaj, është bërë përurimi i dhomës për intervistim të të miturve dhe viktimave të dhunës në familje, apo siç njihen ndryshe “dhoma miqësore”.
Përkrahja nga MSU-Karabinier, vije në frymën bashkëpunimit të ndërsjellë me Policinë si institucion i zbatimit të ligjit në shërbim të qytetarëve, duke ofruar përkrahje logjistike me inventar dhe pajisje të nevojshme për trajtimin e të miturve dhe viktimave të dhunës në familje.
Në këtë përurim kanë marrë pjesë edhe drejtori rajonal kolonel Afërdita Mikullovci dhe zyrtarë nga Stacioni Policor në Skenderaj. Drejtori rajonal kolonel Afërdita Mikollovci , falënderoi MSU-në e KFOR-it, të cilët në vazhdimësi kanë përkrahur dhe mbështetur Policinë e Kosovës në fusha të ndryshme ashtu edhe në ngritjen e kapaciteteve logjistike si tani me mbështetje në rregullimin e dhomës miqësore për trajtimin e viktimave të mitur dhe viktimave të dhunës në familje, me kushtet dhe standardet me të larta policore.
Drejtori Rajonal, kolonel Afërdita Mikullovci, ka ritheksuar se Policia e Kosovës mbetet e përkushtuar në përmbushjen dhe realizimin e objektivave për trajtimin e të miturve dhe viktimave sipas standardeve me të larta. /InLajmi/
