Në konferencën e mbajtur nga Ministria e Arsimit, Shkencës, Teknologjisë dhe Inovacionit, ministrja Arbërie Nagavci ka informuar për punën e arritur që nga marrja e detyrës së saj, raporton InLajmi.
Ministrja ka thënë se do të mbajë konferencë për media çdo 2 javë, për të të dhënë detaje për të gjitha temat në lidhje me arsimin.
Mbështetja e matematicientëve, sigurimi i financimit për shkolla dhe ndërtimi i kapaciteteve për Agjencinë për Akreditim, janë disa nga pikat që ka përmendur fillimisht.
“Organizimin alternativ të përshpejtuar. Është ofruar mbështetje për matemacientë dhe besoj se do të na sjellin suksese nxënësi tanë në këtë proces. Ne synojmë të sigurojmë financim në shkolla në mënyrë që të arrijmë suksese më të mira të procesit të mësimdhënies dhe mësimnxënies. Është në përfundim edhe anëtarë për këshillin shtetëror të cilësisë ne kemi përfunduar procedurat dhe urgjenca është se janë në pritje 239 raporte. Janë duke u marrë hapa edhe për ndërtimin e kapacitetet për Agjencinë për Akreditim. Ka filluar edhe procedurat për rekrutimin e stafit” është shprehur Nagavci.
Ajo poashtu ka informuar se është nënshkruar vendimi për ndarjen e 90 bursave si dhe nënshkrimi i memorandumit me Britaninë për fuqizimin e prokurimit publik. Sa i përket fillimit të mësimit me kohë të plotë Nagavci tha se deri me 2 Korrik, mësimi do të vazhdojë sipas rekomandimeve të IKSHPK-së.
“Këshilli kombëtar i shkencës do të hartojë edhe programin kombëtar të shkencës. Me 2 Qershor kam nënshkruar vendim për 90 bursa. Këto bursa do të ndahen nga MASHT. Numri do të jetë 40 bursa. Për gratë shtatzëna ashtu që vendosin që të shfrytëzojnë të drejtën e tyre të mos marrin pjesë fizikisht në klasë. Disa nga punët tjera është edhe dy vendime për emërimin e 3 anëtarëve në Prizren dhe 3 anëtarëve në UP të Pejës”.
“Poashtu është edhe nënshkrimi i memorandumit me Britaninë për fuqizimin e prokurimit publik. Poashtu janë ndarë 3.5 milionë euro për nxënës të arsimit profesional dhe fëmijët e edukimit të hershëm. Ka pasur kërkesa që të kalohet në mësim të plotë. Por deri në fund të 2 Korrikut të vazhdohet sipas skenarëve A,B,C sipas rekomandimeve të IKSHPK. Në lidhje me provimin e maturës që do të mbahet 26 Qershor janë bërë të gjitha përgatitjet” përfundoi ministrja Nagavci. /InLajmi/
