Deputeti nga radhët e Lëvizjes Vetëvendosje Haki Abazi ka marrur fjalen në seancën e sotme të Kuvendit ka folur për një temë mjaftë aktuale atë për aksidentet rrugore, raporton InLajmi.
Aabzi ka kërkuar nga partia e tij që është duke qeverisu me vendin që të marrin masa të shpejta .
“Ngjarjet e vikendit të fundit ku një familje u shua si rezultat i aksidentit, për një vozitje “pa kokë”, nëse mund të quhet është vetëm një alarm për atë se cka po ndodh në rrugët tona”, ka thënë ai.
Më tej Abazi tha se kjo situatë duhet të trajtohet sa më parë duke pasur parasysh aksidentet e vazhdueshme me fatalitete në nivel vendi
“Kjo duhet të jetë urgjencë për veprim institucional, për të mos qenë spektator për atë se çka po ndodh”, tha ai, duke folur me shifra për aksidentet rrugore.
“Në këtë gjashtë mujor, janë 900 raste më shumë. Persona të lënduar në këtë vit, janë 1 mijë e 869 se sa në vitin 2019-të”, shtoi ai.
Kryeparlamentari Glauk Konjufca në mosprezencen e ministrit Xhalal Sveçla në Kuvend i ka kërkuar Abazit që të konsultohet me ministrin./InLajmi/
