Më 11 Qershor 1999 shënohet dita e hyrjes në Prishtinë të trupave të Ushtrisë Çlirimtare të Kosovës, shkruan InLajmi.
Kanë kaluar 22 vjet që nga 11 Qershori i 99-së, ku pas nënshkrimit të Marrëveshjes së Kumanovës me anë të së cilës Serbia u detyrua të largojë forcat e saj policore nga vend, në Prishtinë u bë hyrja e UÇK-së.
Fillimisht në këtë datë trupat ushtarake çlirimtare kishin hyrë në përiferi të vendit, ndërkohë që po tërhiqeshin forcat policore të Serbisë.
Prandaj sot më 11 Qershor 2021, për Prishtinën është ditë manifestimi.
Kujtojmë se me 12 Qershor kishte filluar edhe hyrja e forcave tokësore të NATO-s, të njohura si forcat paqeruajtëse të KFOR-it, e më pas edhe hyrja e organizatave të ndryshme ndërkombëtare./InLajmi/
