500 milion doza të vaksinës Pfizer do të dhurohen në të gjithë botën nga SHBA, transmeton InLajmi.
Presidenti Joe Biden do të njoftojë lajmin në samitin e vendeve të G7 që do të mbahet këtë javë në Angli.
Rreth 200 milionë doza do të shpërndahen në 2021 dhe 300 milionë të tjera në gjysmën e parë të vitit 2022.
Sipas CNN, këshilltari i lartë i Biden për Covid, Jeff Zients, ka bërë marrëveshje me kompanitë e vaksinave në muajin e fundit.
Të gjitha dozat e blera që do të shpërndahen do të kalojnë përmes nismës ndërkombëtare të vaksinave, COVAX, dhe do të shkojnë në 92 vendet me të ardhurat më të ulëta, përveç Bashkimit Afrikan./InLajmi/
