Presidenti Emanuel Macron ishte goditur me shuplakë, gjatë një vizite zyrtare në jug-lindje të Francës, transmeton InLajmi.
Qytetari me emrin Damien Tarel, në paraqitjen e tij në gjykatë ka deklaruar se veprimi i tij ishte i pamenduar dhe instiktiv, për të shprehur bezdinë e tij.
Shkelja që 28-vjeçari ka bërë dënohet me burgim prej 3 vitesh, ndërsa Tarnel ka qenë në paraburgim që nga dita e martë.
Tarel, i përshkruar nga miqtë si njeri i ndrojtur dhe i qetë, gjithashtu u tha hetuesve se ai ishte simpatizant i protestave anti-Macron dhe anonte nga e djathta ose e djathta ekstreme në pikëpamjet e tij politike, por nuk kishte lidhje me asnjë parti.
Sipas një burimi hetues, BBC njofton se policia franceze ka kontrolluar shtëpinë e Tarel dhe ka zbuluar armë, një flamur sovjetik, romane fantazie, romane komike japoneze si dhe lojëra ushtarake.
Goditja e Presidentit konsiderohet si shkelje e rëndë e sigurisë dhe ka lënë në hije fillimin e vizitave në vendet e Francës, që kishte filluar Macron. Megjithatë, Presidenti, sulmin e ka cilësuar si një ngjarje të izoluar dhe është zotuar të vazhdojë takimin me votuesit, pavarësisht shqetësimeve për sigurinë e tij personale./InLajmi/