Ministrja e Drejtësisë, Albulena Haxhiu ika bërë të ditur se është ekstraduar nga Koosova në Bosnje dhe Hercegovinë një person i dyshuar për vrasje të rnëdë që kishte ndodhur vitin e kaluar në Sarajevë, përcjell InLajmi.
Sipas ministres Haxhiu i dyshuari ishte arratisuar nga Bosnja dhe Hercegovina për në Kosovë, dhe më pas është arrestuar në Kosovë falë bashëkpunimit mes Policisë së Kosovës dhe asaj të Bosnje dhe Hercegovinës.
Haxhiu këtë rast e ka cilësuar si bashkëpunim të suksesshëm juridik ndërkombëtar mes 2 vendeve, pavarësisht rrethanave politike.
Postimi i plotë i saj:
Është ekstraduar sot nga Kosova në Bosnje dhe Hercegovinë personi i dyshuar për kryerjen e një vrasjeje të rëndë që kishte ndodhur fundvitin e shkuar në Sarajevë. Personi ishte arratisur nga Bosnje dhe Hercegovina për në Kosovë, ndërsa ishte arrestuar këtu falë bashkëpunimit në mes të Policisë së Kosovës dhe Policisë së Bosnje dhe Hercegovinës.
Ky rast përbën një sukses të bashkëpunimit juridik ndërkombëtar në mes të Kosovës dhe Bosnje e Hercegovinës, pavarësisht rrethanave politike. Gjithashtu, ky rast është tregues se nëpërmjet mekanizmave të fuqizuar të bashkëpunimit juridik ndërkombëtar në çështjet penale, individët e grupet kriminale nuk mund ta shohin Kosovën si vend për arratisje për t’i ikur drejtësisë, e as si vend për të zhvilluar aktivitetin e tyre kriminal. /InLajmi/
