Në Klinikën e Syve të Qendrës Klinike Universitare të Kosovës për 5 muaj janë realizuar 760 operacione, një periudhë e vështirë për stafin shëndetësor, për shkak të situatës së krijuar me pandeminë koronavirus, përcjell InLajmi.
Gjatë kësaj kohe, janë kryer 1.550 procedura intravitreale në sy të Anti-VEGF dhe 6.913 vizita specialistike dhe subspecialistike ambulatore, gjithashtu.
Në numrin e përgjithshëm të operimeve të kryera, janë përfshirë edhe 84 operime të segmentit të pasmë me metodën Pars Plana Vitrectomi, e cila rishtas ka filluar të realizohet në Klinikën e Syve dhe 450 operacione të kataraktës me metodën e fakoemulsifikimit.
Po ashtu, aty figurojnë edhe 57 operime të glaukomës, 43 operime të kanalit të lotit, 10 operacione të tumoreve, 9 operime të strabizmit, 32 operime të keratokonusit me metodën Cross-Linking XCL, 22 operacione të lëndimeve, 14 operacione të pterigiumit dhe 39 operacione tjera. /InLajmi/
