Në Infektivë 20 pacientë me Covid-19, i infektuari me variantin afrikan po trajtohet me oksigjenoterapi, raporton InLajmi.
Në Klinikën Infektive në Qendrën Klinike, Universitare të Kosovës (QKUK), janë duke u trajtuar 20 pacientë të infektuar me Covid-19
Infektologu Izet Sadiku, në një intervistë për Ekonomia Online tha se dy prej pacientëve janë në gjendje të rëndë shëndetësore.
Tutje, ai tha se gjendja e pacientit që është raportuar me variantin afrikan ka qenë në gjendje të rëndë dhe po trajtohet me oksigjenoterapi.
“Situata është e qetë në klinikë. Kemi raportuar që numri i të infektuarve dhe hospitalizuarve ka rënë dhe kemi 20 pacientë të shtrirë në klinikën infektive, ku dy pacientë janë në gjendje më të rëndë shëndetësore ndërsa gjendja e të tjerëve është stabile”.
“Pacienti që është raportuar me variantin afrikan është në gjendje të mirë shëndetësore. Ai ka qenë në gjendje më të rëndë dhe është në oksigjenoterapi dhe ende vazhdon në trajtim mirëpo ai ka përmirësime të lehta”, tha ai, raporton EO.
