Akuza të tjera pritet të ngrihen ndaj 2 personave që u arrestuan për sulmin e një dite më parë ndaj presidentit të Francës, Emmanuel Macron.
Grupi i hetuesve bën me dije se ka gjetur armë dhe një kopje të tekstit antisemit të Hitlerit, Mein Kampf, në shtëpinë e njërit prej 2 të dyshuarve të arrestuar për sulmin ndaj kreut të Elysee.
2 agresorët e moshës 28 vjeç, u arrestuan jashtë një konvikti në Francën jug-lindore, ndërsa shtëpitë e tyre u kontrolluan pas sulmit në Tain-l’Hermitage.
Libri dhe armët thuhet se u gjetën në shtëpinë e të dyshuarit që filmoi sulmin ndaj Macron.
Midis armëve që raportohet se janë gjetur në shtëpinë e tij janë; një shpatë, një kamë dhe një pushkë koleksionisti, për të cilat ai nuk kishte leje, përcjell EkonomiaOnline
Presidenti francez u godit me shuplakë pasi vrapoi drejt një turme të ndarë nga ai me pengesa metalike, ndërkohë që 2 rojet e tij nxitonin për të arritur.Zëdhënësi i Macron mohoi raportet se ai ishte paralajmëruar nga rojet e sigurisë që të mos iu afrohej atyre.
