Gazeta InLajmi para pak minutash i’u ka njoftuar për 3 aksidente që kanë ndodhur në rrugën nacionale Prishtinë-Pejë më saktësishtë në rrugen tek Kroi i Mbretit, përcjell InLajmi.
Në aksidente janë përfshirë 12-të vetura dhe si pasojë e këtyre aksidenteve kanë pësuar lëndime 7-të persona.
Detajet e reja për Gazetën InLajm, i ka dhënë zëdhënësi i Policisë së Kosovës Bajram Krasniqi
“Më herët u njoftuam për tri aksidente në rrugën nacionale Prishtinë-Pejë (tek Kroi i Mbretit). Në tri aksidentet janë përfshirë dymbëdhjetë vetura dhe si pasojë e aksidenteve deri në këto momente, shtatë persona janë deklaruar se kanë pësuar lëndime. Policia e Kosovës apelon, kërkon nga pjesëmarrësit në trafik që të respektojnë rregullat e trafikut rrugor, polica ka shtuar masat dhe aktivitetet për të rritur sigurinë në trafik. Ndaj kundërvajtësve po zbatohet zero tolerancë, kështu këto ditë kemi numër rekord të ndëshkimeve për shkelësit e rregullave të trafikut. Për tetë ditë të shkuara, janë 13 319 gjoba të shqiptuara, aktivitete do të vazhdojnë, POR kërkohet nga të gjithë pjesëmarrësit në trafik respektim i rregullave të trafikut, në mënyrë që rrugët tona të jenë më të sigurta”, ka deklaruar Krasniqi.
I’ua rikujtojmë që javën e kaluar në rrugën nacionale Pejë-Prishtinë tek rruga Kroi i Mbretit ka mbetur i vdekur një person si pasojë e shpejtësisë së madhe. /InLajmi/