Pretendime të shumta mbi pagesën e taksave të miliarderëve janë shfaqur në internet, transmeton InLajmi.
Detaje të nxjerra tregojnë se sa pak taksë mbi të ardhurat paguajnë njerëzit më të pasur në botë, përfshirë Jeff Bezos, Elon Musk dhe Warren Buffett.
Në webfaqe thuhet se Bezos i Amazon nuk ka paguar asnjë taksë në vitin 2007 dhe 2011, ndërsa për Elon Musk të Tesla-s, pretendohet se nuk ka paguar fare për vitin 2018.
Pas këtyre informacioneve, një zëdhënëse nga Shtëpia e Bardhë ka reaguar duke e quajtur publikimin e të dhënave si rrjedhë të paligjshme, dhe ka bërë të ditur se rasti po hetohet nga FBI dhe autoritetet tatimore.
Sipas agjencisë së lajmeve BBC, nga faqja e emëruar ProPublica është paralajmëruar publikimi i një grupi tjetër të madh të të dhënave konfidenciale nga Shërbimi i Brendshëm i të Ardhurave.
Këto pretendime akoma nuk janë konfirmuar, mirëpo gjithë kjo situatë ka ngritur shqetësim, pasiqë vjen në një kohë debati në opinion rreth shumës së taksave që paguajnë të pasurit dhe pjesa tjetër, duke vënë në focus pabarazinë në vend./InLajmi/
