Gjatë ditës së martë është arrestuar një person pas denoncimit në polici për një rast të dhunës në familje, përcjell InLajmi.
I dyshuari është dërguar në qendrën e mbajtjes prej 48 orësh por pasi ka shfaqur sjellje agresive ai është dërguar në QKUK për trajtim të nevojshëm mjekësor.
Flora Ahmeti zëdhënëse në Policinë e Kosovës e konfirmoi lajmin për InLajm, ku tha që në monitorimin e tij në QKUK nga Policia e Kosovës i dyshuari ka sulmuar policinë duke ju shkaktuar lëndime trupore dhe ka shfrytëzuar momentin duke ikur.
Pak më larg nga vendi i ngjarjes i dyshuari është arrestuar nga ana e Policisë, kurse të policët e lënduar janë duke marrë trajtimin e duhur.
“I dyshuari është arrestuar dje nga ana e policisë pas denoncimit për një rast të dhunës në familje. I njëjti është dërguar në qendrën e mbajtjes prej 48 orësh dhe pasi që ka shfaqur sjellje agresive të pakontrolluara me rekomandim të prokurorit të shtetit ai është dërguar në QKUK për trajtimin e nevojshëm mjekësor. Përderisa sot policia ka qenë në monitorim të tij në QKUK, i njëjti ka sulmuar policinë duke ju shkaktuar lëndime trupore dhe ka shfrytëzuar momentin për të ikur nga aty. Përkundër rrethanave të krijuara policia është vënë nëndjekje të tij dhe pak larg vendit të ngjarjes i njejti është arrestuar nga ana e policisë. Aktualisht janë duke u trajtuar rrethanat në të cilat është zhvilluar rrethanat në të cilat është zhvilluar ngjarja me qëllim zbardhjen e plotë të tyre”, tha Ahmeti. /InLajmi/
