UNICEF ka paralajmëruar se miliona vaksina kundër koronavirusit mund të shpërdorohen, nëse vendet e pasura dërgojnë sasi të mëdha të dozave të mbetura njëherësh në vendet e varfëra, transmeton InLajmi.
Organizata e Bamirësisë tha se duhet të ketë një një furnizim të qëndrueshëm gjatë gjithë vitit, sepse vendet e varfra nuk kanë burime për t’i përdorur të gjitha vaksinat njëherësh.
Kërkesës së UNICEF, i kanë dalë në mbështetje edhe shumë të famshëm si Billie Eilish dhe David Beckham, të cilët kanë nënshkruar një letër ku u kërkohet vendeve të G7-së, përfshirë Britanisë që të dhurojnë 20% të vaksinave deri në muajin Gusht.
“Pandemia nuk përfundon askund derisa të mbarojë në çdo vend,”është shprehur Beckham.
Yjet e tjerë që kanë nënshkruar letrën janë: Andy Murray, Olivia Colman, Ewan McGregor, Liam Payne, Priyanka Chopra Jonas, Orlando Bloom, Katy Perry, Gemma Chan, Whoopi Goldberg, Claudia Schiffer dhe Chris Hoy.
Ndërsa, drejtuesi i vaksinës së koronavirusit nga UNICEF, Lily Caprani, është shprehur për agjencinë e lajmeve BBC, se vendet kanë nevojë që të vaksinojnë popullatat e tyre njëkohësisht me pjesën tjetër të botës./InLajmi/
