Në kuadër tē reformave administrative, Drejtoria e Administratës në Prizren, me një solemnitet rasti, bëri përurimin e zyreve të reja në objektin e Administratës Komunale. – shkruan InLajmi.
Me përfundimin e punimeve për rregullimin e zyreve të reja në objektin e Administratës Komunale në Prizren, u bë edhe një hap para në kuadër të hapjes të komunës karshi obligimeve dhe shërbimeve më cilësore ndaj qytetarit.
Hapjen e këtyre zyreve që kanë një sipërfaqe prej 500 metra katrore, ku pos kthinave për zyrtarë, janë edhe salla për testime, salla për punë të auditorëve si dhe salla e IT, për gjithë objektin e Administratës Komunale, i vlerësoi si tejet të rëndësishme edhe kryetari I komunës Mytaher Haskuka, i cili theksoi se tashmë janë krijuar kushtet ideale për punë më produktive të zyrtarëve komunal në kuadër të përgjegjësive që kanë. Poashtu, kryetari Haskuka e vlerësoi lart punën dhe angazhimin e Drejtorit të Administratës Osman Hajdari, i cili me një riorganizimin të mirë të punës dhe të ideve progresive, po arrin që në Administratën komunale tu ofrohen shërbime të shpejta dhe cilësore çdo qytetari.
Ndërkaq, drejtori i Administratës, Osman Hajdari, si gjithëherë modest, për InLajmin tha se rregullimi i zyreve të reja, me një kosto prej 75 mijë euro, u bë në kuadër të angazhimeve të vazhdueshme të reformave administrative, me ide inovative përmes hapjes së ambientit, duke iu shmangur zyreve klasike të mbyllura. Në këto ambenti të reja, mbi 20 zyrtarë tanë, do t’i kryejnë përgjegjësitë e tyre karshi qytetarëve prizrenas, në kuadër të sistemit të hapur.
Të theksojmë, se pas implementinit tëj Projekti, në Qendrën e shërbimeve “Me një ndalesë” (One Stop Shop), që u bë në marsin e vitit 2020, Osman Hajdari me ekipin e tij, bënë investime dhe transformime të dukshme në Depon e administratës komunale, ku vendosen dhe ruhen të gjitha materialet dhe pajisjet për zyre si dhe materialet tjera të nevojshme, pastaj në arkivën e drejtorisë së ekonomisë dhe financave, duke i kthyer ato në si dhe Arkivin e Administratës komunale, gjendje optimale për organizim dhe ruajtje të dokumenteve dhe materialeve, dhe duke u siguruar punëtorve çasje sa më të lehtë dhe të shpejtë të tyre. Kurse së fundmi është rinovuar edhe kabineti i teknologjisë informative, duke e transformuar atë në një ambient cilësor për monitorim, administrim, mirëmbajtje të rrjetit dhe të sistemit të IT-së, si dhe shumë aktivitete të tjera. Osman GORANCI/InLajmi/
