Ka një kohë të gjatë që kompania e teknologjisë Apple, ka qenë nën presion për të ulur mundësitë e gjurmimit të të dhënave të përdoruesëve, transmeton InLajmi.
Prandaj, kompania, në konferencën vjetore të mbajtur për zhvilluesit kompjuterikë, ka prezantuar një sërë masash të reja për mbrojtjen e privatësisë dhe funksionin më të ri të zhvilluar, të quajtur “mbështetja e privatësisë”.
Apple ka njoftuar se përmes këtij funksioni mund të fshihen të gjitha kërkimet e përdoruesëve nga vetë Apple, ofruesit e internetit dhe reklamuesit.
Sidoqoftë, nga kompania është bërë e ditur se ky tipar i ri nuk do të jetë i disponueshëm për përdoruesit në Kinë, vend i cili është edhe një nga tregjet më të rëndësishme të Apple dhe që sjellë rreth 15% të të ardhurave për kompaninë, shkruan BBC.
Megjithatë, interneti është i mirë kontrolluar në Kinë, duke përdorur një sistem të gjerë vëzhgimi për përdoruesit./InLajmi/
