Sipas një hulumtimi të bërë nga Instituti Oxfam and the Swiss Re, kriza klimatike do të tkurrë ekonomitë e G7-së 2 herë më shumë se Covid-19, transmeton InLajmi.
Ekonomitë më të mëdha të industrializuara në botë, do të humbasin 8.5% të Prodhimit të Brendshëm Bruto në vit, ose gati 5 trilionë dollarë brenda 30 viteve nëse temperaturat rriten me 2.6 gradë celsius.
Ekonomitë e kombeve të G7 janë ulur me rreth 4.2% mesatarisht në pandeminë e koronavirusit dhe humbjet ekonomike nga kriza e klimës deri në vitin 2050 do të ishin afërsisht në shkallën e një krize të ngjashme dy herë në vit. Sipas hulumtimit, ekonomia e Britanisë do të humbiste 6.5% në vit deri në vitin 2050, krahasuar me 2.4% nëse përmbushen qëllimet e marrëveshjes së klimës në Paris.
Ndërsa, sipas studimit të publikuar në The Guardian, kombet e tjera do të goditen shumë më keq, përfshirë Indinë, ekonomia e së cilës do të ulet me 1/4, për shkak të një rritje të temperaturës 2.6 gradë, ndërsa Australia do të pësojë një humbje prej 12.5% të prodhimit, dhe Koreja e Jugut do të humbasë gati 1/10 e potencialit të saj ekonomik .
Udhëheqësit e vendeve të G7- Britania e Madhe, SHBA, Japonia, Kanada, Franca, Gjermania, Italia dhe BE do të takohen në Cornwall të premten për të diskutuar ekonominë globale, vaksinat e Covid-19, taksat mbi biznesin dhe krizën klimatike./InLajmi/
