Themeluesi i Amazon, Jeff Bezos, ka thënë të hënën se ai dhe vëllai i tij Mark, do të jenë pjesë e fluturimit të parë në hapësirë nga kompania e tij e raketave Blue Origin, transmeton InLajmi.
“Që në moshën 5 vjeçare kam ëndërruar të udhëtojë në hapësirë. Më datë 20 Korrik, do të udhëtojë së bashku me vëllain tim”,është shprehur Bezos.
Bezos dhe Elon Musk kanë investuar shumë së fundmi në raketa hapësinore, por deri tani kompanitë e tyre Blue Origin dhe SpaceX kanë arritur të dërgojnë vetëm satelitë në orbitë.
Blue Origin mbylli raundin e parë të ankandit muajin e kaluar dhe tha se kishte marrë më shumë se 5.200 oferta për udhëtim nga 136 vende të ndryshme. Sipas faqes së internetit të Blue Origin oferta më e lartë që është marrë për pjesëmarrje ka qenë 2.8 milionë dollarë.
Blue Origin është duke synuar 20 Korrikun për udhëtimin e saj të parë me anijen kozmike, një moment ky mjaft i rëndësishëm, në garën për fillimin e një epoke të re të udhëtimeve private hapësinore.
Sipas Reuters, raketa e quajtur New Shepard është projektuar për të zënë 6 pasagjerë, në lartësi prej më shumë se 100 km mbi tokë në hapësirë. Lartësia të cilën raketa e arrin është e mjaftueshme për të përjetuar disa minuta pa gravitet dhe për të parë planetin.
Ndërkohë, është raportuar që në vitin 2018, Blue Origin po planifikonte të kërkonte të paktën 200.000 dollarë për udhëtim nga pasagjerët./InLajmi/
