Gjatë kohës së pandemisë janë bërë studime të shumta rreth problemve të gjumit, sipas Shoqatës Botërore të Gjumit, këto probleme përbëjnë një epidemi globale e cila kërcënon shëndetin dhe cilësinë e jetës të pothuajse 45% të popullsisë, transmeton InLajmi.
Pas një anketimi të ushtruesëve të rregullt, ky fondacion doli në përfundim se njerëzit që ushtrojnë rregullisht bëjnë gjumë 2 herë më të rregullt në krahasim me ata që nuk ushtrojnë fare.
Shoqata e Gjumit është një organizatë jofitimprurëse e profesionistëve të gjumit të cilët janë të përkushtuar për avancimin e “gjumit të shëndetshëm në të gjithë botën”.
Sipas agjencisë CNN, njerëzit janë shumë të ndikuar nga streset e shkaktuara nga pandemia dhe vdekjet e shumta në botë, humbjen e punës, izolimet shoqërore dhe çështjet e shëndetit mendor. Marrë parasysh këto fakte edhe ekspertja për shëndet nga CNN, Dana Santas, thotë se është shumë normale që të bëhet një gjumë jo cilësor dhe këshillon që të jemi sa më shumë aktiv fizikisht, në mënyrë që gjumi të jetë më i mirë dhe të krijohet balancimi i duhur i trupit dhe mendjes./InLajmi/
