Policia e Kosovës ka njoftuar se gjatë ditës së enjte rreth orës 18:45 kanë pranuar informacion se disa persona kanë gjuajtur me armë të zjrrit në rrugën Lumi në Mitrovicë, përcjell InLajmi.
Sipas Policisë në atë vend ka ndodhur një mosmarrëveshje mes 2 familjeve, dhe shkak i kësaj një burrë 55 vjeç ka therur me thikë një person tjetër.
Policisë ka treguar i dyshuari është arrestuar, mirëpo në këtë mes është arrestuar edhe një i mitur pasi që tek i njëjti është gjetur një pistoletë dhe një karikator me 3 fishek.
Në komunikatën e Policisë është bërë e ditur se viktima ka pranuar tretman mjekësor, ndëërsa 2 të arrestuarit me vendim të prokurorit ju është caktuar masa e ndalimit policor.
Njoftimi i plotë i Policisë së Kosovës:
Arrestohet një person i dyshuar për veprën penale ‘Vrasje në tentativë ’
Mitrovicë, 3 qershor 2021
Dje ne orët e pasdites, më 3 qershor 2021, rreth orës 18:45, Policia në Mitrovicë, ka pranuar informacion për të shtëna me armë të zjarrit në rrugën ‘Lumi’ në Mitrovicë.
Nga hetimet e para nga vendi i ngjarjes, janë hasur njolla gjaku dhe 2 gëzhoja, dyshohet se deri te incidenti ka ardhur si pasoj e një mosmarrëveshje ne mes 2 familjeve, te cilët janë involvuar në rrahje.
Nga policia janë arrestuar 2 persona të dyshuar H.G., 55 vjeçar dhe F.T., 17 vjeçar, ku i dyshuari i pare me mjet të fortë(thikë) ka goditur viktimën. Viktima është trajtuar në spitalin rajonal Mitrovicë dhe per mjekim te mëtutjeshëm është dërguar në QKUK Prishtinë.
Kurse te i dyshuar i 2-të i mitur është gjetur një pistoletë dhe një karikator me 3 fishek, të cilat nga policia janë konfiskuar si provë materiale.
Në vend të ngjarjes kanë dal njësia e hetimeve rajonale se bashku me prokurorin e shtetit.
Me vendim të prokurorit të shtetit, të dyshuarit H.G., 55 vjeçar është iniciuar rasti “Vrasje në tentativë” dhe ndaj të dyshuarit të dytë, F.T., 17 vjeçar është iniciuar rasti me veprat: ‘’Mbajtje në pronësi, kontroll, ose posedim i paautorizuar i armëve’’, “Përdorim i armës apo mjetit të rrezikshëm” dhe “Shkaktim i rrezikut të përgjithshëm”, me vendim të prokurorit të 2 të dyshuarave ju caktohet masa e ndalimit policor. /InLajmi/
