Kardinali Reinhard Marx i ka ofruar dorëheqjen e tij Papës, duke thënë se përgjegjësia për katastrofën e abuzimeve seksuale gjatë dekadave të fundit nga klerikët, i takon edhe atij, transmeton InLajmi.
Dorëheqja e Marx, vjen në një kohë kur janë shtuar kritikat e besimtarëve gjermanë rreth abuzimeve nga ana e klerikëve, transmeton InLajmi.
Sipas agjencisë së lajmeve Reuters, kardinali Marx në letrën drejtuar Papës, është shprehur me fjalët se “unë duhet të marr pjesë të përgjegjësisë për katastrofën e abuzimeve seksuale nga zyrtarët e Kishës gjatë dekadave të kaluara.” Në letrën e tij, Marx po ashtu shkruan se ka shpresë që largimi i tij do të krijojë hapësirë për një fillim të ri.
Marx, i cili është edhe Kryepeshkop i Mynihut, përmes një deklarate të shkruar në faqen e kryepeshkopatës së tij ka njoftuar se Papa e ka udhëzuar atë të qëndrojë në detyrë, derisa të vendoset për pranimin ose jo të dorëheqjes së tij./InLajmi/
