Ish-ushtaria ameriake, Elaine Berkowitz, nga Departamenti i Stomatologjisë në Fakultetin e Mjekësisë, i ka dhuruar Universitetit të Prishtinës “Hasan Prishtina” donacion në vlerë 5.000 dollarë, raporton InLajmi.
Rektori i Universitetit, Naser Sahiti e ka vlerësuar këtë donacion dhe sipas tij ky donacion do të shkojë në vend duke u shërbyer studentëve të Stomatologjisë.
“Ky donacion dhurohet në shenjë të shërbimit të saj në Kosovë dhe në emër të falënderimit të profesorit Agim Islami”.
“Ky donacion do të shkojë në vend dhe do të arrijë qëllimin që kushtet për studentët e Stomatologjisë të përmirësohen dhe të reflektohen në tregun e punës pastaj”, u shpreh ai.
Agim Islami, profesor pensionist nga Stomatologjia, ka thënë se Elaine Berkowitz me këtë donacion ka treguar se nuk e ka harruar Kosovën dhe i do njerëzit e saj.
“Mirësia që e kemi treguar për të nuk harrohet. Kjo tregon që ajo e do Kosovën dhe njerëzit e saj. Ky donacion do të thotë shumë. Raporti Kosovë-Amerikë, Kosovë popull hebraik të cilit ajo i takon dhe kjo praktikë e bashkëpunimit të vazhdojë edhe më tej. Kjo do të mbetët në histori”.
Marrëveshjen e Elaine Berkowitz ka e nënshkruar Tetuta Bicaj që sispas saj është e autorizuar për ketë nënshkrim.
“Ne njihemi qysh moti, qysh atëherë ajo ka ardh në katedrën tonë si në shtëpinë e saj. Ajo shumë shpesh komunikon me mua. Meqenëse ajo nuk ka mund të jetë e pranishme për shkak të pandemisë më ka autorizuar me nënshkruar këtë marrëveshje. Do ta prezantojë edhe një letër të saj para juve.
“Jam në dashuri në Kosovën. Kosova është shtëpia ime e dytë”, ka shkruar në letër Elaine Berkowitz.
Dekania e Fakultetit të Mjekësisë, Suzana Manxuka – Kervilli ka treguar se këto të holla do të blihen zbardhues okilarë në shërbim të studentëve të Stomatologjisë.
“Falënderoj për këtë donacion për studentë. Ky donacion dhe ky kontribut ka një vlerë të rëndësishme simbolike dhe financiare. Do të blihen disa zmadhues okularë”, ka thënë ajo. /InLajmi/
