Kryetari i Lidhjes Demokratike të Kosovës, Lumir Abdixhiku ka mbajtur konferencë për media pas takimit me Presidenten e vendit, Vjosa Osmani ku gjatë këtij takimi është biseduar për datën e zgjedhjeve lokale, raporton InLajmi.
I pari i LDK-së ka propuzuar që data e zgjedhjeve në nivel lokal të mbahen me 31 tetor, ndër të tjera ka thënë se si LDK janë të gatshëm që bajnë këto zgjedhje.
“Ne jemi gati si LDK për çdo datë të mundshme, për t’u futur në garën zgjedhore. Por rekomandimi ynë është 31 tetori si datë adekuate, por çdo datë tjetër do të ishte e pranueshme. Ne i propozuam dhe kërkuam Presidentes që 31 tetorin ta shpall datë të zgjedhjeve”, ka thënë Abdixhiku.
Abdixhiku është pyëtur se çfarë rezultati pret nga këto zgjedhje, duke u bazuar në zgjedhjet e përgjithshme.
“Në zgjedhje nacionale është e vërtetë që s’kemi dalë mirë, prej datës së tyre deri më sot e në katër muajt e ardhshëm do të bëjmë reforma dhe ndryshime substanciale që ta kthejmë besimin e qytetarëve në LDK. Jam jashtëzakonisht optimist që rezultati i zgjedhjeve të tetorit do të jetë rezultat që e jep diferencën dhe rikthimin e LDK-së, atë që po e presim”, ka deklaruar ai. /InLajmi/
