Ardita Sinani, kryetarja e Komunës së Preshevës, po vazhdon të ju gjendet afër qytetarëve të komunës që ajo udhëheq, përcjell InLajmi.
Nga reshjet e fundit të shiut që kanë rënë, ajo ka dalë në teren për të pare nga afër dëmet dhe biseduar me qytetarët.
Ndërkohë lidhur me këtë, ajo përmes një njoftimi në Facebook ka njoftuar edhe për detajet, gjegjësisht për dëmet që ka shkaktuar shiu.
Sipas saj, Kuvendi Komunal ka evidentuar 82 shtëpi dhe biznese të dëmtuara nga vërshimet.
Po ashtu ajo ka treguar se ka inicuar hapjen e një një xhirollogarie të veçantë devizore me status publik, për personat juridik e fizik brenda dhe jashtë vendit, të cilët duan të kontribuojnë në sanimin e dëmeve të shkaktuara.
Postimi i plotë i saj:
DERI TANI 82 PRONA TË DËMTUARA NGA VËRSHIMET. HAPET XHIROLLOGARIA PUBLIKE PËR KONTRIBUESIT PRIVAT
Komisioni komunal ka evidentuar deri tash 82 shtëpi dhe biznese të dëmtuara nga vërshimet e fundit në Komunën e Preshevës. Procesi vazhdon deri në evidentimin e plotë për çdo pronë.
Gjatë mbledhjes së sotme të Shtabit për situata të jashtëzakonshme, si kryesuese e Shtabit, inicova hapjen e një xhirollogarie të veçantë devizore me status publik, për personat juridik e fizik brenda dhe jashtë vendit, të cilët duan të kontribuojnë në sanimin e dëmeve të shkaktuara.
Kjo xhirollogari transparente do të bëhet publike sapo të hapet nga organet përgjegjëse./InLajmi/
