Dega e Lidhjes Demokratike e Kosovës në Suharekë ka votuar unanimisht kandidatin, ish-deputetin Ardian Shala, për kryetar të Komunës , përcjell InLajmi.
Këtë e ka bërë me dije Selman Kolgeci, anëtar i kryesisë së LDK-së në këtë komunë, përmes një postimi në llogarinë e tij Facebook.
“Na priftë e mbara kryetar! Sot në mbledhjen e kryesisë së degës së LDK-së në Suharekë është votuar unanimisht që z.Ardian Shala të jetë kandidat për kryetarë të komunës së Suharekës!
Na priftë e mbara e dalshim faqebardhë”, ka shkruar ai.
Tani është në duart e kryetarit të LDK-së, Lumir Abdixhikut për të aprovuar ose jo kandidaturën e Shalës për kryetar të komunës.
Ndryshe, presidentja e vendit, Vjosa Osmani ka ftuar për nesër përfaqësuesit e partive politike për t’u takuar ku do të diskutohet rreth caktimit të datës së zgjedhjeve lokale.Sipas ligjit përkatës zgjedhjet mund të mbahen më herët se 60 ditë para përfundimit të mandatit dhe jo më vonë se 30 ditë pas përfundimit të mandatit./InLajmi/
