Policia e Kosovës ka njoftuar se ka ndodhur një aksident trafiku në autostraden “Arbër Xhaferi” në drejtim të Hani Elezit – Prishtinë përcjell InLajmi.
Rasti është konfrimuar për Gazetën InLajmi nga zëdhënësi i Policisë Daut Hoxha i cili ka thënë se në aksident kanë qenë të përfshira një kamionë dhe një veturë, dhe se lëndime të rënda trupore ka marrë vozitësi i veturës.
“Sot në ora 15:25, në autostradën “Arbër Xhaferi” në KM 56, drejtimi Hani Elezit-Prishtinë, është shkaktuar një aksident trafiku me lëndime dhe dëme materiale, të përfshira në aksident janë; një automjet dhe një kamion, meqë rast përveç dëmeve materiale lëndime të rënda trupore ka marrë shoferi i automjetit. Deri në këtë fazë ekipet relevante emergjente kane dale në vendin e aksidentit, i lënduari është përcjell për trajtim mjekësorë, ndërsa njësia për kontroll dhe menaxhim te trafikut ne autostradë po merret me procedurat tjera ne vendin e ngjarjes”, ka deklaruar Hoxha.
Hoxha ka apeluar tek qytetarët që te kenë kujdes gjatë vozitjes në trafik.
“Apelojmë tek pjesëmarrësit ne trafik, ne veçanti tek drejtuesit e automjeteve që gjate vozitjes se automjeteve të shtojnë vigjilencën e tyre dhe ngasjen e automjetit ta përshtatin me kushtet e rrugës duke respektuar ne plotëni edhe rregullat qe dalin nga ligji trafikut si për kufizimin e shpejtësisë dhe mbajtjen e distancës në mënyrë që të shmangen aksidentet e tilla që shpesh përfundojnë me pasoja tragjike apo humbje te jetëve njerëzore”, ka vazhduar ai. /InLajmi/
