Shefi i Grupit Parlamentar i Aleancës për Ardhmërinë e Kosovës, Besnik Tahiri ka mbajtur konferencë për media pas mbledhjes së kryesisë ku ka njoftuar se do të kenë takim me përfaqësuesin Special të BE-së për dialogun Kosovë-Serbi, Miroslav Lajçak dhe zëvendës ndihmës sekretarin e SHBA-ve, Matthew Palmer, përcjell InLajmi.
Tahiri ka deklaruar se në këtë takim do të bisedohet edhe për dialogun Kosovë – Serbi.
“Nuk i dimë temat, veç e dimë se pak a shumë temë do të jetë dialogu. Do të kemi takim bilateral me Lajçak dhe Palmer. Nëse ka diçka që duhet mu raportua si subjekt e kemi thënë qartë kemi kërkuar nga Kurti që të ketë një proces të rregullt të informimit në Kuvend dhe raportim për çka do që mund të jetë marrëveshje e fshehtë ose e hapur që mund ta dëmtonte vendin”, ka deklaruar Tahiri. /InLajmi/
