U.d i kryetarit të Partisë Demokratike të Kosovës, Enver Hoxhaj i ka uruar ditëlindjen e ish-kryetarit të PDK-së, Kadri Vesli i cili tashmë gjendet në Hagë, përcjell InLajmi.
Sipas Hoxhaj, Vesli që nga viti 1990 të gjitha pranverat ai kishte kushtuar Kosovës.
Ndër të tjera Hoxhaj ka treguar për aktivitetet e UÇK-së që i ka mbajtur Kadri Vesli, ai tutje ka thënë se edhe pse Kadriu gjendet në Hagë së bashku me shokët po ia bëjnë dhe një argat Kosovës sepse ai nuk di ndryshe.
Kreu i PDK-së, ka thënë se luftën për liri e bëjnë vetëm çlirimtarët dhë në fund ka shkruar edhe 100, kryetar Kadri Veseli.
Postimi i plotë i tij:
Edhe 100, kryetar Kadri Veseli!
Në periudha të rëndësishme historike, disa persona i zgjedh fati, e disa të tjerë e zgjedhin vetë fatin e tyre. Kadri Veseli është prej këtyre të dytëve. Qysh në vitet 90-ta, kur kishte kapërcyer murin e shtëpisë për të takuar fshehurazi prindërit e tij, Kadriu e kishte ndarë mendjen e zemrën se të gjitha pranverat tjera do t’ia kushtoj Kosovës.
Tani, thuajse 30 vite më vonë, nuk ka ditë e zhvillim në Kosovën e lirë dhe të pavarur që nuk mbanë firmën e Kadriut. Në aktivitet e organizim të UÇK-së, në luftë e udhëheqje të saj drejt çlirimit, në liri e angazhim për pavarësi, në forcim e siguri të shtetit të Kosovës, Kadriu dha gjithëçka nga vetja. Edhe sot, në Hagë, Kadriu me shokë po ia bëjnë edhe një argat Kosovës sepse ai nuk di ndryshe. Për Kosovën, dhimbjen e tij të fëmijërisë, ëndrrën e tij të adoleshencës e idealin e tij prej burri, Kadriu nuk ka njohur as frikën e as mortin.
Këtë histori, askush dhe asnjëherë nuk do të mund ta rishkruaj. Prandaj, në sfidat dhe rrugën e gjatë që e pret Kosovën përpara, heroi ynë i luftës dhe paqes e ka vendin në Atdhe, ku të gjithë po e presim krahëhapur e zemrën plotë. Luftën për liri e bëjnë vetëm çlirimtarët zemërbardhë e ata nuk e kanë vendin në bankën e të akuzuarve por të lirë në mesin e njerëzve të vet.
Deri në ditën e pashmangshme të lirisë – edhe 100, kryetar Kadri Veseli. /InLajmi/
