Policia e Kosovës përmes një komunikate adresuar mediave, ka njoftuar se ka suspenduar një polic me arsyetimin se ka publikuar shkrime të paarsyeshme në rrjete sociale.
Lënda i është përcjellur edhe Inspektoratit Policor të cilët janë duke e intervistuar zyrtarin policor, për të vazhduar procedurat e mëtejme.
Mediat kanë konfirmuar se polici boshnjak, Safet Sajo Civovic ka zhvilluar një vizitë tek një mik i tij.
Krahas personit që ai ka pozuar (identiteti i të cilit nuk dihet), përmes përshkrimit ai ka nxitur urrejtje përballë shqiptarëve duke bërë edhe propagandë.“Isha i nderuar të vizitojë këtë mik të madh- Shefin në Dobrushë i cili u bëri ballë terroreve shqiptare. E mëshiroftë Zoti”, ka shkruar ai krahas kësaj fotografie.
Megjithëse Civovic-it i është besuar uniforma e pjesëtarit të Policisë së Kosovës, i cili punon në pikën kufitare Kullë, duket se kjo nuk e ka bërë që ai të zbutë urrejten dhe mllefin ndaj popullit shqiptar.
Policia e Kosovës, pas pranimit të informacioneve lidhur me shkrimet e publikuara në rrjete sociale nga zyrtari policor (S. C.) me detyrë në pikën kufitare “Kullë”, ka ndërmarr veprimet e menjëhershme duke e suspenduar.
Suspendimi i tij është mbështetur në Udhëzimit Administrativ Nr.04/19, për shkeljet, masat dhe procedurat disiplinore në Policinë e Kosovës., shkruan fakteplus.
Pas masës së suspendimit Policia e Kosovës, sipas detyrës zyrtare ka njoftuar Inspektoratin Policor dhe Prokurorinë kompetente, të cilët janë duke e intervistuar zyrtarin policor, për të vazhduar me procedura të mëtejme.
