Mbrëmë zyrtarisht Partia Demokratike ka njoftuar se kandidat për kryetar të Skenderajit në zgjedhjet lokale është Sami Lushtaku, përcjell InLajmi.
Por, Lushtaku nuk mund të garojë për këto zgjedhje, thotë Ehat Miftaraj, analisti i njohur përmes një statusi në llogarinë e tij Facebook.
Krejt kjo sipas tij, për shkak se ai gjendet “nën llupën e drejtësisë”.
“PDK mundet me ja konfirmu Sami Lushtakut kandidaturën për Skenderaj, ama Aktgjykimi i Gjykatës Kushtetuese ia ndalon, marr për bazë faktin se të njëjtit iu ka konfirmu një dënim nga Gjykata e Apelit ne vitin 2020”, ka shkruar Miftaraj.
E sipas tij, kush është i dënuar në 3 vjetët e fundit, ka pengesë juridike për të kandiduar qoftë në nivel qendror apo komunal.
Postimi i plotë i tij:
PDK mundet me ja konfirmu Sami Lushtakut kandidaturen per Skenderaj, ama Aktgjykimi i Gjykates Kushtetuese ia ndalon, marr per baze faktin se te njejtit iu ka konfirmu nje denim nga Gjykata e Apelit ne vitin 2020.
Kush eshte i denuar ne tre vitet e fundit me vendim te formes se prere, nga dita e mbajtjes se zgjedhjeve ka pengese juridike per te kandiduar qofte ne nivel qendror apo komunal.
Respekte!
/InLajmi/