Kate Middleton ka marrë dozën e saj të parë të vaksinës Covid-19. 39 vjeçarja tha se vendosi të vaksinohej pasi u kthye në shtëpia nga turi mbretëror në Skoci së bashku me princin William.
‘Dje kam marrë dozën e parë të vaksinës kundra Covid-19 në Muzeun Shkencor të Londrës. Jam jashtëzakonisht mirënjohëse ndaj të gjithë atyre që po marrin pjesë në këtë proces–, faleminderit për gjithçka që po bëni”, shkroi ajo në llogaritë zyrtare të Dukës dhe Dukeshës së Kembrixh.
Kate kishte veshur një bluzë casual dhe një palë xhinse për të shkuar në Muzeun Shkencor të Londrës i cili është jo shumë larg Kenisngton Palace, ku ajo dhe burri i saj jetojnë së bashku me fëmijët e tyre, transmeton Living.
William, i cili kaloi Covid-19 vitin e shkuar, gjithashtu mori dozën e tij të parë të vaksinës po aty në fillim të këtij muaji. Ndryshe nga babai i tij, i cili zbuloi se ishte infektuar me virusin marsin e shkuar, princi William nuk e zbuloi sëmundjen e tij për të mos shkaktuar alarm në publik.
