Soni Malaj ka vendosur që këtë vit të rikthehet në spektaklin “Kënga Magjike”. ‘Versioni im’ titullohet balada me të cilën ajo konkurron, një projekt muzikor nga Flori Mumajesi. 2 këngëtarët, të cilët dikur i bashkonte një histori dashurie, tashmë rikthehen si bashkëpunëtorë, por mesa duekt publikut i ka mbetur në mendje ky çift.
Ditën e sotme, pak orë para finales së “Kënga Magjike”, Soni ka ndarë në rrjete sociale disa foto me kolegët e saj, përfshirë edhe me Flori Mumajesin. Kaq deshën fansat, duke shpërthyer me komplimente dhe komente që inkurajojnë rikthimin e tyre bashkë.
“Soni-Flori sa shkoni bashkë. Rikthimi edhe në dashuri do ish mrekulli! Zoti ju bekoftë”, komenton dikush.
Dikush tjetër shkruan se shkojnë shumë, e dikush tjetër se duken shumë bukur bashkë.
Por si janë aktualisht marrëdhëniet mes tyre?
Gjatë një interviste për emisionin “Abc e Pasdites”, dhënë disa ditë më parë, Soni tha se i ka ruajtur gjithmonë kontaktet me Florin dhe se ata kanë respekt për njëri-tjetrin, shkruan Living
“Po unë me Florin kemi pasur marrëdhënie njerëzore të vazhdueshme pavarësisht se nuk e kemi bërë kaq publike. Ndër vite kemi qenë në kontakt dhe ruajmë një respekt shumë të madh për njeri tjetrin. Ne rrugëtimin tonë njerëzor e kemi nisur si miq dhe jemi prapë miq. Me gjithë kohën jo të mirë që Flori po kalon me ndarjen nga jeta të njeriut më të rëndësishëm të jetës së tij, përkushtimi i tij ndaj meje, ndaj materialit ka qenë maksimal. Ka lënë dhimbjen e tij mënjëanë për t’mu gjendur mua pranë në këtë konkurs dhe për të më përkrahur”, tha Soni.
