Policia e Kosovës ka njoftuar se është arrestuar një zyrtar korrektues në qendrën e paraburgimit, ku njërit nga punonjësit pas kontrollit i është gjetur dhe konfiskuar një sasi dorge, përcjell InLajmi.
Sipas Policisë të dyshuarit i është kontrolluar shtëpia po nuk është gjetur asgje, ndërsa me urdhër të prokurorit është dërguar në mbajtje.
Njoftimi i plotë i Policisë së Kosovës:
Prishtinë, 27.05.2021-18:50.Është arrestuar i dyshuari mashkull kosovar (zyrtar korrektues) pasi që gjatë hyrjes në objekt nga sigurimi i brendshëm është bërë kontrolli i punonjësve në qendrën e paraburgimit, me ç rast në rrobat e të dyshuarit është gjetur dhe konfiskuar një sasi e dyshuar narkotike e llojit marihuanë me peshe prej 2.0 gram .Në konsultim me prokurorin është bërë kontroll në shtëpinë e të dyshuarit dhe nuk është gjetur asgjë e dyshuar .Me urdhër të prokurorit i dyshuari dërgohet në mbajtje. /InLajmi/
