Imami i xhamisë së Shipolit, Fatmir Latifaj, ka dhënë një lajm të mirë, përcjell InLajmi.
Ai dje për shkak të përkeqësimit të shëndetit është dërguar në Turqi, ndërsa sot përmes një njoftimi në llogarinë e tij në Facebook Ka njoftuar se ka kryer një intervenim në zemër dhe se fatmirësisht ka pasur sukses.
Atij i janë eliminuar dy bllokada që pengonin elektricitetin e mirëfilltë të zemrës.
Hoxha ka falënderuar të gjithë ata që janë interesuar për gjendjen e tij shëndetësore.
Postimi i plotë i tij:
Pas vështirësisë vjen lehtësimi
Të dashurit e mi vëllezër dhe motra, me ndihmën e Allahut sot pas namazit të xhumasë iu nënshtrova një ndërhyrje kardiake që përmban në vete studim konstatim dhe intervenim në fushën elektrofiziologjike të zemrës, ku m’u eliminuan dy bllokada që pengonin elektricitetin e mirëfilltë të zemrës.
Falë Zotit pastaj ndërhyrjes së mjekut dhe stafit të tij e kalova me sukses edhe këtë sprovë, ku pas disa ditëve të rehabilitimit do t’i kthehem Kosovës tonë të dashur.
Qofshi të bekuar të gjithë ju që më kujtuat në lutjet tuaja, dhe ju që keni shprehur interesim për gjendjen time shëndetësore. Ju përshëndes nga zemra ime e tashmë inshaAllah e shëruar!
Fatmir LatifajAnkara, Turqi./InLajmi/
